Ахмед-Заки Дархан Жұмақанұлы – шетелде және ҚР-дағы журналдарда жарияланған 100-ден астам ғылыми еңбектің авторы. Ғылыми зерттеулер бағдарламаларды тексеру теориясы мен бөлінген және параллель есептеулерді ұйымдастыру, жоғары білім беру жүйесін жаңғыртуға жатады. 2006 жылы ғылым мен техниканың дамуына көрнекті үлес қосқан ғалымдар мен мамандар үшін мемлекеттік ғылыми стипендия иегері, 2015 жылы үздік оқытушы.

Жауапты орындаушы, ҚР БжҒМ арқылы 15-тен астам зерттеу  және келісімшарттық жұмыстар жобаларының жетекшісі. Инновациялық бағдарламалық қамтамасыз етуді әзірлеуде физикалық процестерді математикалық модельдеуде 2 авторлық куәліктің тең авторы.

2002 жылы Әл-Фараби атындағы Қазақ ұлттық университетінің математика және механика факультетін бітірді.

2002 – 2006 жж. Әл-Фараби атындағы Қазақ ұлттық университетінің механика-математика факультетінің магистратурасында және аспирантурасында оқыды. Сонымен қатар, 2004 жылдан бастап әл-Фараби атындағы ҚазҰУ-дың математика және механика бойынша ұлттық ғылыми-зерттеу институтында компьютерлік ғылымдар зертханасының кіші, аға және жетекші зерттеушісі, жетекшісі лауазымдарын атқарған.

2010 жылы 05.13.18 – математикалық модельдеу, сандық әдістер және бағдарламалық кешендер мамандығы бойынша докторлық диссертация қорғады. 2013 жылдан 2016 жылға дейін Әл-Фараби атындағы Қазақ ұлттық университетінің оқу ісі жөніндегі проректоры болған.

2016 жылдан 2017 жылға дейін Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаментінің директоры.

2017 жылдан бастап Халықаралық бизнес университетінің президенті.