ЖОҒАРЫ БІЛІМ КӨШБАСШЫЛАРЫНЫҢ ЕУРАЗИЯЛЫҚ ФОРУМЫ-2020

Тақырыбы: Университет *.0                                                                                                    Дайынбыз ба?

Мерзімі: 2020 жылдың 30 қыркүйек – 2 қазан аралығында

Өтетін орны: Назарбаев Университет, Нұр-Сұлтан қ., Қазақстан

Биылғы 10-жылдық мерейтой қарсаңында, форум цифрлық технологиялардың қарқынды дамуынан туындаған жоғары білімге қатысты маңызды мәселелерді талқылауға бағытталады. Тек өнеркәсіп пен еңбек нарығы ғана емес, жоғары оқу орындары (ЖОО) да сол технологиялық өзгерістер әсеріне ұшырайды. Болашақтағы университеттер «университет 2.0» (яғни қазіргі университетті жаңарту) немесе «университет 4.0» («индустрия 4.0»-ге ұқсас өзгерістер) форматында болып, айтарлықтай өзгерістерге ұшырайтындығымен бәріміз келісе аламыз, бірақ біз оларға дайынбыз ба? Сондықтан, биылғы форум атауы «Университет *.0. Дайынбыз ба?» болып табылады. Форумның негізгі бағыттары соңғы бірнеше жыл ішінде талқыланған тақырыптарға негізделеді, атап айтқанда 2018 жылдың «Озық технологиялар аясында жоғары білім беру саласын инновацияландыру» және 2019 жылдың «Болашақ талабына сай түлектер» тақырыптары.

Университеттер мен басқа ЖОО-лар дәстүрлі ЖОО моделі мен өздерін жаңарту арасында таңдау жасауы тиіс. Яғни, оқу жоспарын, дәреже құрылымын, педагогиканы, сынып ортасын, профессорлық-оқытушылық құрамды, жұмысқа алу және қызмет бабында көтерілу практикасын жаңадан іздестіру сияқты мәселелер қарастырылуы керек. Зерттеу университеттері жаһандық талант үшін үлкен және кіші технологиялық фирмалармен бәсекеге түсуге мәжбүр. Университеттер мүдделі тараптардың әр түрлі сұраныстарына жауап беруі керек болғандықтан, іргелі және қолданбалы ғылымдағы тұтастықты сақтау қиын шешімді әрекет болып табылады. Сонымен қатар, технологиялардағы ғылыми жаңалықтарды ашу барысында этикалық мәселелерге үлкен маңыз берілуі тиіс.

Биыл біз “Университет * .0. Дайынбыз ба?” атты форумның басты тақырыбына сай қызықты сессиялар дайындадық. Панельдік сессиялар үш бағытқа «трекке» бөлінеді:

  • 1-трек «Университеттер үшін ақылды жүйелердің мәні».

Негізгі баяндамалар мен панельдік пікірталастар арқылы сарапшылар университеттердің ақылды жүйелер әлемінде өркендеуі үшін қандай шара қолдану керектігін талқылайды. Технология әр салаға әсер ететіндіктен, университеттер қай ғылыми бағыттарға зейін қойып, оларды қалай оқытатыны туралы ойлануы қажет. Оқу бөлмелерінің қандай түрлері болуы керек? Бірыңғай білім алу деген не? Университеттер студенттерді қоғамның дамуы мен әл-ауқатына үлес қосатын жауапкершілікті азамат етіп тәрбиелеуді өзінің негізгі мақсаты деп санай ма?

  • 2-трек «Машиналардың дәуірі: бізді адам етіп қалыптастыратын не?»

Қарқынды дамып келе жатқан есептеу қуаты, алгоритмдер мен мәліметтердің көптігі пайдалы нәтиже бере алады. Мысалы, медицинада дәлірек бейнелеу мен диагностика жақсарып, емдеудің тиімді жолдары және жаңа препараттар ашылуда. Көп ұзамай, жеке медицина көптеген адамдар үшін шындыққа айналады. Жасанды интеллект басқаратын ақылды жүйелер күнделікті өмірде де, кәсіби ортада да үлкен рөл атқаратын болады. Олар көлік ағынын тиімді ұйымдастыруға және апаттардың алдын алуға көмектеседі; сонымен қатар олар фермерлерге егін шаруашалығында тиімдірек өнім алуға көмектеседі. Дегенмен, бұл технологияның тек жағымды жағы. Алайда, ғалымдар мен сарапшылардың айтуынша, технология мұқият бақыланбаған жағдайда апаттық салдарға әкеліп соғуы мүмкін. Кейбір сыншылар қазірдің өзінде роботтардың көмегімен жасанды жалпы интеллект адам баласын өз құмарларына бағындырып басқаратын әлемді дистопиялық болашақты елестетеді.

Білім болашаққа бағдарлауда маңызды рөл атқарады. Нақтырақ айтқанда, ол студенттерді оқыту барысында жалпы құндылықтармен, моральдық, этикалық ережелермен таныстыруда шешуші рөл атқарады. Алайда, айтуға оңай, жүзеге асыру қиын. Білім жаңа технологиялардың қоғамға пайдалы болуын қалай қамтамасыз ете алады?

  • 3-трек «Ғаламдық және жергілікті: орналасқан жер маңызды ма?»

1 және 2-тректер «ғаламдық маңызы мен жергілікті өзектілігін» іздестіру және орналасуға байланысты бірқатар сұрақтарды тудырады. Соңғы жылдары технологияның жоғары білімге тигізген оң әсерінің бірі білім алуда географиялық кедергілерді азайту болды. Жоғары сапалы курстарды онлайн режимінде жеткізу дегеніміз, сапалы ғаламтор байланысы бар кез-келген студент әлемдегі жетекші провайдерлердің курстарына арзан немесе ақысыз негізде қатыса алады деген сөз. Жаңа бәсекелестер көптеген дәстүрлі провайдерлерді нарықтан шығарып, нарықта қалғандарының динамикасын өзгертетіні  сөзсіз. Жетекші жергілікті немесе аймақтық университеттер орналасу жерінің маңыздылығы/өзектілігі жоғалған жағдайда әлемнің ең жақсы университеттерімен бәсекеге қабілетті бола ала ма? Немесе бұл жалған болжам болып табылса, орналасу жері басқа түрде маңызды болып қала бере ме?  Бірнеше елдегі әлемдік бренд болып табылған университеттер жергілікті және аймақтық ЖОО-нан әрдайым үстем бола ма? Әлемнің көптеген аймақтарында ЖОО қалай алға жылжып, өркендей алады? Дүниежүзілік нарықта университет брендтерін құруға бола ма? Ғаламдық амбициясы бар Қазақстандағы жаңа ғылыми-зерттеу университеті өзінің ерекше географиясын қолдана ала ма?  Қалай ол өзін/өз атын адал ғылыми-зерттеу университеті ретінде тұрақтандыра алады?  Ол маңызды ғылыми-зерттеу университеті ретінде өзінің адал ниетін қалай анықтай алады? Осы сұрақтарға жауап беру үшін, бұл трек спикерлер мен қатысушыларды жаһандық және жергілікті өзекті мәселелерді талқылауға шақырады.

Жоғары білім көшбасшыларының Eуразиялық форумы әлемдік және ұлттық жоғары білім беру көшбасшыларын, сарапшыларды, зерттеушілерді, бизнес-менеджерлерді және басқа мүдделі тараптарды біріктіріп, білім беру саласындағы осы сұрақтарға жауап іздеуге және де идеяларымен, білімдерімен және тәжірибесімен алмасуға шақырады.

Форумға кім қатыса алады?

Форум жоғары оқу орындарының басшыларына, оқытушыларына, ғылыми қызметкерлеріне, мемлекеттік ұйымдарға, компанияларға, білім беру саласындағы ассоцияциялар мен бірлестіктерге, сонымен қатар, білім беру саласындағы идеяларымен, білімдерімен және тәжірибесімен алмасуға ынталы тұлғаларға қызықты болады.

ФОРУМ ТІЛДЕРІ:

Конференцияның жұмыс тілдері ағылшын, қазақ және орыс тілдері. Тіркелу орнында қалау бойынша ілеспе аударма қолжетімді болады. Аударма үш тілге жасалады: қазақ, орыс, ағылшын тілдері. Ілеспе аударманың құрылғысын алу тек жеке басты куәландыратын құжатты (паспорт, жеке куәлік) көрсетумен ғана жүзеге асырылатынын ескертеміз.

Назарбаев Университеті тәжірибесін трансляциялау сессиялары

ЗЕРТТЕУ ЖӘНЕ ИННОВАЦИЯ
Толық ақпарат
АКАДЕМИЯЛЫҚ БӨЛІМ
Толық ақпарат
ӘКІМШІЛІК БӨЛІМ
Толық ақпарат
Get our official event app
For Blackberry or Windows Phone, Click here