Еуразиялық жоғары білім көшбасшыларының форумы (EHELF) 2026
«Болашақты батыл қадаммен бірге жасайық»
5-6 маусым, 2026 | Астана, Қазақстан
5-6 маусым, 2026 | Астана, Қазақстан
Күндер
Сағаттар
Минуттар
Секундтар
EHELF – 2026 форумына қош келдіңіздер!
2026 жылғы 5-6 маусымда Астана қаласындағы Назарбаев Университетінде өтетін Еуразиялық жоғары білім көшбасшыларының форумы (EHELF 2026) аясында Еуразия кеңістігінен және алыс-жақын шетелдерден жоғары білім саласындағы басшыларды, саясаткерлерді және зерттеушілерді қатысуға шақырамыз. Технологиялық өзгерістер қарқын алып, экономикалық тұрақсыздық, климат өзгерісіне қатысты мәселелер мен геосаяси ахуалдың құбылуы жағдайында университеттердің рөлі стратегиялық тұрғыдан бұрынғыдан да маңызды бола түсуде. EHELF-2026 «Болашақты батыл қадаммен бірге жасайық» тақырыбы аясында басшылар мен негізгі мүдделі тараптарды біріктіріп, университеттердің мақсатты түрде, жаңашыл әрі икемді тәсілдер арқылы қалай көшбасшылық көрсете алатынын талқылайды. Форум тұрақты дамуды ілгерілету, жасанды интеллектіге байланысты өзгерістерге бейімделу және жоғары білімнің қоғамға әсерін күшейту бағыттарында диалог, білім алмасу және ынтымақтастық үшін бірегей алаң ұсынады.
Бізбен бірге университеттердің болашағын қалыптастырыңыз!
Бізбен бірге университеттердің болашағын қалыптастырыңыз!
| EHELF–2026 EHELF-2026 форумы 2011-2019 жылдар аралығында өткен Еуразиялық жоғары білім көшбасшылары форумының жаңа лебі. Аталған форум Еуразия аумағында жоғары білімді басқару мен реформалауға қатысты беделді диалог алаң ретінде танылған. Осы дәстүрдің жалғасы ретінде форум университет басшыларын, саясаткерлерді, ғалымдар мен серіктес ұйымдарды біріктіріп, бүгінгі жаһандық сын-қатерлерді болашаққа бағдарлай отырып талқылайды. «Болашақты батыл қадаммен бірге жасайық» тақырыбында өтетін EHELF-2026 форумында жоғары оқу орындарының тұрақты және әділетті қоғамды дамытудағы рөлі талқыланады. Пікірталастар жаһандық өзгерістерге, цифрландыру мен жасанды интеллекттің ықпалына, климаттық және экономикалық сын-қатерлерге бағытталады. Сондай-ақ басқару, оқыту, ғылым және серіктестік бағыттарындағы озық тәжірибелер таныстырылады . Форум аясындағы пленарлық мәжілістер, панельдік пікірталастар мен интерактивті диалогтар академиялық орта, мемлекет және өндіріс арасындағы байланысты нығайтып, нақты іс-қимылға бағытталған шешімдер әзірлеуге, сондай-ақ жоғары білім берудегі аймақтық және жаһандық серіктестікті дамытуға жол ашады. |
| Назарбаев Университеті Назарбаев Университеті (NU) 2010 жылы құрылған. Бүгінде ол Қазақстандағы жетекші зерттеу университеттерінің бірі әрі Орталық Азиядағы ірі академиялық орталықтардың бірі. Университет меритократиялық қабылдау жүйесіне негізделіп, оқыту мен зерттеуді тиімді ұштастырады. Осы бағытта ол түлектерін жаһандану мен технологиялық даму жағдайында табысты болуға қажетті дағдылармен қамтамасыз етеді. Бұл бағыт университеттің жаһандық деңгейде танылуына ықпал етуде. Times Higher Education World University Rankings 2026 рейтингінде Назарбаев Университеті әлем университеттерінің үздік 23%-ына кіреді және Кавказ бен Орталық Азия өңірінде 1-орында. Сондай-ақ THE Asia University Rankings 2025 рейтингінде 150-орынды иеленді.Жалпы университет жас университеттер арасында әлем бойынша үздік 106 университеттің қатарына енген. Назарбаев Университеті (NU) Орталық Азия мен жаһандық кеңістіктегі өз ықпалы мен академиялық беделін нығайтуды стратегиялық басымдық ретінде қарастырады. Осы мақсатта Университет әлемнің жетекші ғылыми орталықтарымен серіктестік орнатып, академиялық ұтқырлықты, іргелі зерттеулер мен инновациялық білім беру бағдарламаларын кешенді түрде дамытуда. Сонымен қатар, Asian Universities Alliance ұйымының тең құрылтайшысы ретінде NU жоғары білім беруді трансформациялау, экономикалық тұрақтылықты қамтамасыз ету және ғылыми прогресті ілгерілету бағытындағы аймақтық және жаһандық сын-қатерлерді еңсеруге елеулі үлес қосып келеді. |
| Астана, Қазақстан Астана - Қазақстанның астанасы, Еуропа мен Азияның тоғысындағы қарқынды дамып келе жатқан әрі болашаққа бағдарланған қала. Бүгінде Астана халықаралық диалог, инновация және жоғары білім саласындағы ынтымақтастық үшін маңызды орталықтардың бірі ретінде танылып жүр. Заманауи қала құрылысы мен бірегей сәулетімен танымал Астана елдің дамуға деген ұмтылысын айқын көрсетеді, сонымен қатар бай мәдени мұрасы мен рухани құндылықтарымен сабақтастығын сақтайды. Әртүрлі мәдениеттердің, идеялар мен серіктестіктердің тоғысар жері Астана EHELF 2026 форумына шабыт сыйлайтын, әлеммен байланысы ашық орта ұсынады. Бұл қатысушыларға Еуразияның ең серпінді әрі қарқынды дамып келе жатқан ғылым мен білім және саясат саласымен тікелей араласуға бірегей мүмкіндік береді. |
Тақырыптар
Форумдағы тақырыптық бағыттар әлемдік көшбасшылар арасында диалог жүргізуге, тәжірибе алмасуға және бірлесе жұмыс істеуге мүмкіндік беретін алаң. Форум үш тақырыптық бағыт бойынша өтеді. Олар:
- Тұрақты әрі әділетті болашақ жолындағы университеттерБұл бағыт университеттердің тұрақты даму мен әлеуметтік жауапкершілік саласында сөзден іске көшуін қарастырады. Негізгі назар тұрақтылық, теңдік және қоғамдық игілік қағидаттарын университеттердің стратегиясына, басқаруына, оқыту мен зерттеу жұмыстарына енгізуге, сондай-ақ қоғам мен индустриямен серіктестікті нығайтуға аударылады.
Әсіресе климатқа байланысты мәселелерді еңсеру, әлеуметтік әділеттілік пен гендерлік теңдікті дамыту және білімнің баршаға қолжетімділігін қамтамасыз етуге ерекше көңіл бөлінеді. Бұл университеттердің тұрақты әрі әділетті дамуда маңызды рөл атқаруына бағытталған. - Жасанды интеллект және цифрлық трансформация дәуіріндегі университеттерБұл бағыт жасанды интеллект пен цифрлық инновациялар жоғары білім беру жүйелерін қалай өзгертіп жатқанын, оқыту, зерттеу және университеттердің басқаруын қалай қайта анықтап жатқанын зерттейді. Ол инновация мүмкіндіктерін де, этика, әділдік және мекемелердің дайындығымен байланысты қиындықтарды да көрсетеді.
Талқылаулар университет басшылары жасанды интеллект тудырған өзгерістерге стратегиялық тұрғыдан қалай жауап бере алатынына, технологиялық жетістіктерді университеттің миссиясымен қалай үйлестіруге болатынына және жоғары білім беру саласында инклюзивті, жауапты әрі болашаққа бағытталған цифрлық трансформацияны қалай дамытуға болатынына назар аударады. - Өзгермелі әлемдегі көшбасшы университеттерАталған бағыт шеңберінде жоғары білім беру саласының жетекшілері геосаяси шиеленістер, экономикалық қысымдар мен қоғам тарапынан қойылатын талаптар салдарынан туындаған күрделі әрі тұрақсыз жаһандық жағдайда жоғары білім көшбасшыларының қалай әрекет ететінін қарастырады. Сонымен қатар дағдарыс жағдайларындағы көшбасшылық шешімдер мен академиялық еркіндік, институционалдық дербестік және интернационалдандыру сияқты кеңмәселелер талқыланады.
Талқылау барысында төзімділік (resilience) пен жауапты басқару принциптеріне басымдық беріледі, сонымен қатар университеттердің жұртшылық сенімін қалай сақтай алатынын, өздерінің негізгі миссиясын қалай қорғайтынын және жедел трансформация мен белгісіздік кезеңінде тиімді басқару жолдарын айқындауды көздейді.
Спикерлер
Проф. Махендиран Сангаран Наир
Проф. Махендиран Сангаран Наир – Sunway University университетінің Ғылым және тұрақты даму жөніндегі проректор. Ол эконометрик және деректанушы ғалым ретінде тұрақты даму, планетарлық денсаулық (Planetary Health), экономикалық модельдеу және ғылым мен технология саясатына маманданған. Ол CPA Australia және Малайзия Ғылым Академиясының стипендианты (Fellow), сондай-ақ Малайзияның Ұлттық ғылыми кеңесі, Жоғары технологиялар кеңесі, БҰҰ-ның Тұрақты даму шешімдері желісінің (Малайзия) және Малайзия Өндіріс Федерациясының құрамында жұмыс істейді. Профессор Наир Малайзияның 12-бесжылдық жоспары аясындағы ұлттық ғылым мен технологияны дамытудың «10-10 MySTIE» тұжырымдамасының авторы. Сонымен қатар, ол ұйымдардың жоғары нәтижелі және құндылыққа бағытталған болуына көмектесетін 8R–8i табиғат негізіндегі экожүйе моделі мен Return on Values (ROV) (Құндылықтарға
қайтарым) шеңберін дамытудағы еңбегімен кеңінен танылған. Мемлекеттік органдар, индустрия және қоғамдық ұйымдар үшін сенімді кеңесші бола отырып, ол ұлттық және аймақтық даму туралы ойларын жергілікті және халықаралық бұқаралық ақпарат құралдарында жиі бөліседі. Сонымен қатар, ғалым ғылым мен технология, тұрақты даму және планетарлық денсаулық саласында ірі ұлттық және аймақтық жоспарлар мен зерттеулерге өз үлесін қосып келеді.
қайтарым) шеңберін дамытудағы еңбегімен кеңінен танылған. Мемлекеттік органдар, индустрия және қоғамдық ұйымдар үшін сенімді кеңесші бола отырып, ол ұлттық және аймақтық даму туралы ойларын жергілікті және халықаралық бұқаралық ақпарат құралдарында жиі бөліседі. Сонымен қатар, ғалым ғылым мен технология, тұрақты даму және планетарлық денсаулық саласында ірі ұлттық және аймақтық жоспарлар мен зерттеулерге өз үлесін қосып келеді.
Д-р Джерен Гювен Гюрес
Доктор Гювен Гюрес бейбітшілікті орнату, гуманитарлық және даму бағдарламаларын басқару, сондай-ақ халықаралық деңгейде серіктестіктерді нығайту және насихаттау салаларында 15 жылдық тәжірибесі бар маман. Аталған қызметке тағайындалғанға дейін ол БҰҰ Әйелдер ұйымының Өзбекстандағы Бағдарлама менеджері қызметін атқарып, ұйымның елдегі өкілдігін құруға жетекшілік етті. Сонымен қатар, 2021жылдың қазан айында «Бағдарлама маманы» ретінде қызметін бастап, 2022 жылдың мамыры мен 2023 жылдың сәуірі аралығында Еуропа және Орталық Азия (ECA) аймақтық кеңсесінде Стратегиялық жоспарлау және БҰҰ үйлестіру маманы ретінде өңірлік деңгейде тәжірибе жинақтады. БҰҰ Әйелдер ұйымына келгенге дейін доктор Гювен Гюрес ЮНИСЕФ-тің Түркия және Германиядағы өкілдіктерінде, сондай-ақ (UNICEF) ЮНИСЕФ-тің Германиядағы Ұлттық комитетінде жауапты қызметтер атқарды. Оған қоса, ол Еуропа Кеңесі мен Еуропалық патент ведомствосында да жұмыс істеген. Доктор Гювен Гюрес Гази университетінің Бизнесті басқару саласы бойынша PhD дәрежесіне, сондай-ақ аталған университеттің «Көшбасшылық және өзгерістерді басқару» мамандығы және Таяу Шығыс техникалық университетінің «Еуропалық зерттеулер» мамандығы бойынша екі магистрлік дәрежесіне ие.
Д-р Норберт Чизмадиа
жетекші географ және 21 ғасырдың зияткерлік картасын қалыптастырушы геосаяси стратег. Оның жұмыстары география, геоэкономика және тұрақты жаһандық стратегияны біріктіреді. Джон фон Нейман университеті (John Von Neumann University) басқармасының бұрынғы президенті және Азия және Тынық мұхиты университеттері қауымдастығының (AUAP) ізгі ниетті елшісі. Geofusion сериясының (Geofusion, Geovision және Geofuture) авторы ретінде ол география қуатты, тұрақтылықты және жаһандық дамудың болашағын түсінудің кілті болатын маңызды көзқарасты алға тартады. Оның соңғы кітабы: «Болашақ - көгілдір түсті: көгілдір түсті аймақтардың географиясы» (Future is Turquoise – The Geography of Turquoise Zones), жердегі «өмір сүруге болатын, тұрақты, бейбіт, бақытты және шабыттандыратын жерлерді қайдан табуға болады» деген сұраққа жауап беруге тырысады.
Д-р Альтаир Ахметов
Альтаир Ахметов - Astana IT University ЖОО ректоры. Ол құқықтық білімді, мемлекеттік басқаруды және жобаларды басқарудағы терең біліктілікті ұштастыратын көпсалалы маман. Ол құқықтану бакалавры, мемлекеттік басқару магистрі және заң ғылымдарының кандидаты, сонымен қатар «Болашақ» стипендиаты және жобаларды басқару саласы бойынша сертификатталған маман (IPMA Level B, PRINCE2). Академиялық ортада, ғылыми зерттеулерде және мемлекеттік секторда жинақтаған тәжірибесіне сүйене отырып, Альтаир Ахметов университеттерді практикалық бағыттағы IT-шешімдер әзірлейтін инновациялық орталықтарға басымдық береді. Оның қызметі цифрлық трансформацияны дамытуға, жасанды интеллект негізіндегі тәсілдерді енгізуге және білім, ғылым мен индустрияны біріктіретін экожүйелер қалыптастыруға бағытталған. Astana IT University жасанды интеллектіні дамытуға, цифрландыруға және цифрлық экономика үшін кадрлар даярлауға бағытталған заманауи университет. Университет «Цифрлық Қазақстан» бағдарламасы аясында болашақ мамандарды қалыптастыруға үлес қосып келеді. Альтаир Ахметовтың жетекшілігімен университет жасанды интеллект, деректерді талдау және цифрлық мемлекеттік басқару салаларындағы озық білім мен қолданбалы зерттеулердің платформасы ретіндегі рөлін дамытып келеді.
Проф. Уэйн Холмс
Уэйн Холмс (PhD, Оксфорд университеті) Ұлыбританиядағы Лондон университеттік колледжінің (UCL) Білім беру институтында жасанды интеллект (ЖИ) және білім беру бойынша сыни зерттеулердің толық профессоры болып табылады. Ол сондай-ақ ЖИ және білім беру этикасы жөніндегі ЮНЕСКО төрағасы (IRCAI, Словения). Оның зерттеулері ЖИді қолдана отырып және ол туралы білім беру (AI&ED) аясындағы этикалық, адам құқықтары және әлеуметтік әділеттілік салдарын зерттейді. Уэйн сондай-ақ Еуропа Кеңесінің AI&ED бойынша сарапшылар тобының жетекші мүшесі болып табылады, ол ЖИ арқылы жүзеге асырылатын жүйелермен жұмыс істейтін студенттер мен оқытушылардың адам құқықтарын қорғау үшін заңнаманы әзірлеуде. Сонымен қатар, ол ЮНЕСКО-ның кеңесшісі болып табылады (ол үшін «ЖИ және білім беру: саясаткерлерге арналған нұсқаулық» және «Білім беру мен зерттеулердегі генеративті ЖИ бойынша нұсқаулық» еңбектерін бірлесіп жазған). Уэйн жүзден астам басқа жарияланымдардың авторы (соның ішінде ең соңғысы «ЖИ және білім берудің сыни зерттеулері: ұстанымды бекіту») және AI&ED бойынша 30-дан астам елде негізгі баяндамалар жасаған.
Проф. Марта К. Меррилл
Марта К. Меррилл, Ph.D., Кент мемлекеттік университетінің жоғары білімді басқару саласындағы эмеритус профессоры. Ол 2008-2025 жылдар аралығында халықаралық және салыстырмалы жоғары білім, сондай-ақ мәдениетаралық коммуникация пәндері бойынша дәріс оқыған. Ол Орталық Азиядағы жұмысы бойынша Fulbright бағдарламасының үш грант иегері, соңғысы 2026 жылдың қаңтарына жоспарланып, Қырғызстан аккредитация жүйесіндегі өзгерістерге арналған. Д-р Марта Меррилл 1996–2001 жылдары Қырғызстанда тұрып, бірнеше университеттермен бірге жоғары білім реформаларына қатысқан. Д-р Меррилл Орталық Азиядағы Америка университетінде академиялық мәселелер жөніндегі алғашқы вице-президент қызметін атқарған және Қырғызстанның Нарын және Тәжікстанның Хорог қалаларындағы аталмыш университеттің кампустары үшін бірінші курс оқу бағдарламасын әзірлеушілердің бірі. Оның 2016 жылғы ғылыми демалысы Қырғызстандағы тәуелсіз аккредитация үдерістеріне арналса, 2024 жылғы зерттеуі Өзбекстандағы жаңа жекеменшік университеттерді, Қырғызстандағы PhD бағдарламаларының дамуын және тәуелсіздік кезеңіндегі екі елдің жоғары білім жүйелерінің әртүрлі даму себептерін зерттеуге бағытталған. Ол Қазақстандағы Назарбаев Университетінде диссертацияларға сыртқы сарапшы ретінде жиі қатысады және Орталық Азиядағы білім беру мәселелеріне арналған жеті кітап тарауы мен 17 ғылыми мақаланың авторы болып табылады.
Д-р Бахром Миркасимов
Бахром Миркасимов 2024 жылдың сәуірінен бастап проректор қызметін атқарып келеді. Бұған дейін 2020–2024 жылдары университет ректоры қызметін атқарған. Қазіргі уақытта ол University of Westminster Press баспасынан шығатын, халықаралық рецензияланатын, ашық әрі қолжетімді «Silk Road: A Journal of Eurasian Development» журналының басқарушы редакторы. Сонымен қатар, ол Global Labor Organization ұйымының ғылыми қызметкері. Бұған дейін CERGE-EI, Лейбниц университеті Ганновер, Лейбниц институты (Шығыс және Оңтүстік-Шығыс Еуропаны зерттеу) және IAMO ұйымдарында шақырылған ғылымиқызметкер ретінде жұмыс істеген. Сондай-ақ DIW Berlin институтында қызмет атқарған. Ол Стокгольм халықаралық бейбітшілікті зерттеу институты, Азия даму банкі, Дүниежүзілік банк, БҰҰ Даму бағдарламасы, БҰҰ Халық қоныстану қоры, Халықаралық еңбек ұйымы және Халықаралық азық-түлік саясатын зерттеу институты сияқты халықаралық ұйымдарда кеңесші ретінде жұмыс істеген. Бахром Миркасимов Берлиндегі Гумбольдт университеті, Дьюк университеті, Вандербильт университеті және Бойсе мемлекеттік университеті университеттерінде экономика мамандығы бойынша білім алған.
Проф. Хүсейн Атакан Варол
Доктор Хүсейн Атакан Варол – робототехника саласының профессоры және Назарбаев Университеті жанындағы Ақылды жүйелер мен жасанды интеллект институтының (ISSAI) директоры. Ол Сабанжы университетінде мехатроника инженериясы бойынша бакалавр, ал Вандербильт университетінде электротехника бойынша магистр және PhD дәрежелерін алған. Доктор Варол генеративті жасанды интеллект, табиғи тілді өңдеу, икемді робототехника, сенсорлық синтез және биометрия бағыттары бойынша зерттеулер жүргізеді. Жетекші халықаралық журналдар мен конференцияларда 150-ден астам ғылыми мақалалары жарияланған. Сонымен қатар, ол бионика саласында бірнеше халықаралық патенттің иегері, ірі
компанияларға кеңес береді және бірқатар беделді ұйымдардың ғылыми гранттарын жеңіп
алған. 2019 жылдан бері оның негізгі мақсаты – ISSAI-ды Қазақстандағы әлемдік деңгейдегі жасанды интеллект ғылыми-зерттеу институтына айналдыру. Оның басшылығымен қазақ тіліндегі үлкен тілдік модель (KAZLLM) әзірленді. Қазіргі уақытта ол Қазақстанның ұлттық генеративті жасанды интеллект стегін дамытуға жетекшілік етеді. Бұл стекке «Oylan» (тіл-аудио-көру моделі), «Beynele» (кескін генерациялау қозғалтқышы), «Tilsync» (нақты уақыттағы аударма қызметі) және «Mangisoz» (сөйлеу мен мәтінді аударуға арналған іргелі модель) сияқты түрлі модельдер, өнімдер мен қызметтер кіреді.
компанияларға кеңес береді және бірқатар беделді ұйымдардың ғылыми гранттарын жеңіп
алған. 2019 жылдан бері оның негізгі мақсаты – ISSAI-ды Қазақстандағы әлемдік деңгейдегі жасанды интеллект ғылыми-зерттеу институтына айналдыру. Оның басшылығымен қазақ тіліндегі үлкен тілдік модель (KAZLLM) әзірленді. Қазіргі уақытта ол Қазақстанның ұлттық генеративті жасанды интеллект стегін дамытуға жетекшілік етеді. Бұл стекке «Oylan» (тіл-аудио-көру моделі), «Beynele» (кескін генерациялау қозғалтқышы), «Tilsync» (нақты уақыттағы аударма қызметі) және «Mangisoz» (сөйлеу мен мәтінді аударуға арналған іргелі модель) сияқты түрлі модельдер, өнімдер мен қызметтер кіреді.
Проф. Эмма Харден-Вольфсон
Доктор Эмма Харден-Вольфсон – Канаданың Макгилл университетінің Білім беру факультетіндегі ассистент профессоры және Теңдік, этика және саясат департаментінің қауымдастырылған мүшесі. Ол жоғары білім беру саясаты саласындағы халықаралық және салыстырмалы зерттеулерге маманданған, марапаттарға ие болған зерттеуші. Оның пәнаралық зерттеулері жоғары білім беру саясатының әртүрлі жағдайларда қалай және неліктен өзгеретінін, білім беру саясатындағы өзгерістердің салдарын, сондай-ақ жоғары білім беру жүйесіндегі теңдікке қатысты тарихи кедергілер мен қазіргі қиындықтарды шешу жолдарын зерттеумен байланысты. Ол академиялық орта мен практик мамандар арасындағы алшақтықты жоятын, саясатқа тікелей әсер ететін қолданбалы білім қалыптастыруды мақсат етеді. Доктор Харден-Вулфсон Канаданың Жоғары білім беруді зерттеу қоғамының (Canadian Society for the Study of Higher Education) жаңадан сайланған президенті. Әлемдік жоғары білімге қолжетімділік желісінің (WAHEN) негізін қалаушы консультативтік кеңес мүшесі және Q1 санатындағы «Studies in Higher Education» журналының қауымдастырылған редакторы. Ол бұған дейін ЮНЕСКО-ның Жоғары білім беру бойынша халықаралық институтында Зерттеу және болжау бөлімінің басшысы қызметін атқарған. Сондай-ақ, ол Канада, Орталық Азия, Еуропа және Латын Америкасындағы университеттерге, үкіметтерге және халықаралық ұйымдарға кеңес беру бойынша 20 жылдан астам сараптамалық тәжірибеге ие.
Д-р Талғат Жүсіпбек
Д-р Талғат Жүсіпбек - Cardiff University Kazakhstan университетінің академиялық мәселелер жөніндегі вице-провосты. Ол білім беру саласы бойынша PhD дәрежесін Шеффилд университетінде (University of Sheffield) алған, сондай-ақ Мичиган мемлекеттік университетінде (Michigan State University). академиялық алмасу бағдарламасы аясында тағылымдамадан өткен. Д-р Талғат Жүсіпбек Қарағанды қаласындағы Е.А. Бөкетов атындағы университетте академиялық мәселелер жөніндегі проректоры, сондай-ақ Сүлеймен Демирел атындағы университетте педагогика және гуманитарлық ғылымдар факультетінің деканы қызметін атқарған. Ол академиялық басқару және халықаралық білім беру салаларында мол тәжірибеге ие. Д-р Жүсіпбек студенттерді қолдауға және сапалы академиялық ортаны дамытуға ерекше көңіл бөледі.
Форум бағдарламасы
Форум бағдарламасы әзірлену үстінде және жуық арада жарияланады. Жаңартулар үшін сайтты қайта қарап тұруыңызды сұраймыз.
Арнайы іс-шаралар
EHELF 2026 аясында Назарбаев Университетінің ғылыми-зерттеу, инновациялық және мәдени ортасын таныстыру үшін негізгі бағдарламаға бейресми қарым-қатынас пен кәсіби байланыс орнатуға бағытталған бірқатар іс-шаралар ұйымдастырылады.
- НУ инновациялық тәжірибесіҚатысушыларға Назарбаев Университетінің қарқынды дамып келе жатқан ғылыми-зерттеу және инновациялық ортасында ұйымдастырылған экскурсия ұсынылады. Бағдарлама аясында негізгі нысандар, соның ішінде Advanced Robotics and Mechatronics Laboratory (ARMS Lab) және Ақылды жүйелер мен жасанды интеллект институты (ISSAI) таныстырылып, цифрлық трансформациядағы озық зерттеулер мен қолданбалы жобалар көрсетіледі.
- НУ ғылыми жобалары: постерлік сессияНУ ғылыми постер көрмесі университет бойынша іріктелген зерттеу жобаларын ұсынады, университеттің ғылыми-зерттеу экожүйесінің ықпалын айқындайды. Көрме НУ әртүрлі мектептерінің, орталықтар және бөлімшелердің жұмыстарын біріктіріп, пәнаралық және салалық зерттеулерді таныстырады, бұл НУ-дың ғылыми жетістіктері көрсетеді.
Ғылыми постер көрмесі форум қатысушыларына жүргізіліп жатқан зерттеулермен танысуға, негізгі идеяларды талқылауға және НУ-дың жаһандық академиялық пікірталастарға қосқан үлесін тереңірек түсінуге мүмкіндік береді. - NU жарияланымдар бұрышы / кітап көрмесіАрнайы бөлінген кеңістікте Назарбаев Университетінің негізгі жарияланымдары, соның ішінде форумның тақырыптық бағыттарына сәйкес кітаптар мен жинақтар ұсынылады. Қатысушыларды заманауи зерттеулермен және ғылыми ой-пікірлермен таныстыру мақсатында авторлармен бейресми кездесулер мен қысқаша тақырыптық таныстырылымдар ұйымдастырылады.
Төлем және тіркеу
Тіркелу мерзімі: 20.05.2026
Форум өтетін күндер: 2026 жылғы 5-6 маусым
Санаттар
Бағасы
Отандық қатысушылар (Жоғары білім беру саласының басшылары)
25 000 KZT
Халықаралық қатысушылар (табысы жоғары елдер)
100 USD (≈50 000 KZT)
Халықаралық қатысушылар (табысы төмен және орташа елдер)
75 USD (≈38 000 KZT)
NU (Назарбаев Университеті) оқытушылар құрамы
10 000 KZT
NU докторанттары мен қызметкерлер
Тегін
Қатысушыларды қонақүйлерге орналастыру туралы
Еуразиялық жоғары білім беру көшбасшыларының форумына (EHELF 2026) қатысушылар Назарбаев Университеті кампусының аумағында немесе оған жақын жерде орналасқан бірнеше ыңғайлы қонақүйлердің бірін таңдай алады.
Кампус аумағындағы
қонақүйі Назарбаев Университеті кампусының аумағында орналасқан. Аталған қонақүй форум өтетін орынға жақын орналасқан.
Жақын жерде
іскерлік сапармен келгендерге барлық жағдай жасалған заманауи әрі жайлы қонақүй. Назарбаев Университетіне жақын орналасқан.
Жақын жерде
университет маңында орналасқан премиум санатындағы қонақүй. Қонақтарға жоғары деңгейдегі қызмет, конференция өткізуге арналған мүмкіндіктер және EXPО-ға жылдам әрі ыңғайлы жету мүмкіндігін ұсынады.
Жоғарыда аталған қонақүйлердің барлығы Назарбаев Университетіне жақын жерде орналасқан. Форум өтетін орынға кедергісіз әрі жылдам жетуге болады. Көрсетілген мерзімде сұраныстың жоғары болуына байланысты, алдын ала брондауға кеңес береміз.
Байланыс деректері
Конференция бойынша сұрақтар: ehelf-2026@nu.edu.kz
Телефон: 8 7172 70 5738
Мекенжай: Назарбаев Университеті, Қабанбай батыр даңғылы, 53, Астана, Қазақстан
Телефон: 8 7172 70 5738
Мекенжай: Назарбаев Университеті, Қабанбай батыр даңғылы, 53, Астана, Қазақстан
Ұйымдастырушы:
Назарбаев Университеті, Астана, Қазақстан
Назарбаев Университеті, Астана, Қазақстан